━╃  أحــاول  ╄━
أحاول أخفي إحساسي
ولكن
بالـ ع ـشق مفضوح

تشوف الفرحه في عـيني
وأحبك بالـعقل والروح
أحبك
حب ما اقدر أعاند فيه
إحساسي

لقيت الحب شي أكبــــر 
 من إني اخذ أنفاسي

حياتي
أمرها بإيدك
وحبك
سيدي وسيدك

وعمري ما إبتدي قبلك
وعيدي في الهوى عيدك

حبيبي
عمري لك والروح
وقلبي في العشق هايم

فداك الروح
وروح الروح                 

يــــــاربي تبقى لي دايـــم

معاك الدنيا شي ثاني
معاك الدنيا ذي أحلا
ومهما كانت الدنيا
معاك أحلا أكيد أحلا

تخيل دنيا من غيرك
او لحظات من غيرك
أنا ماشوف بالدنيا وبقلبي
أحد غيرك

━╃ خيـــال طفله ╄━

قال لي ماتت الوردة نسى إحساسه اللي  مـات
نسى حبي وحناني وقسوته وكيف كان  يعاملني
عطاني وردة حمرا الصبح وماتت بعدها بساعات
وحتى بموتت الـوردة أعـز النـاس يعايرنـي
أكيد بتموت هالوردة تركتها بأحـوج  الأوقـات
نسيت إنه العطش يذبح ذبحتها وجيـت تذبحنـي
جزاك الله يا خلي خير فرشت لي دربي  بجمرات
وأنا أمشي وأنا ساكـت وأقـول الله  يصبرنـي
غريبة كيف أنا أسامح وإنته تزيـد  هالغلطـات
واذا أخطيت أنا بلا قصد أشوفك مـا تسامحنـي
غريبة كيف أسمح لـك تطالعنـي  بهالنظـرات
واذا إني جيت أضحك لك أشوفك إنت  تحرجنـي
تعبت أمشي أنا بدربك ودربك ممتلـي  ثغـرات
وإنته تقول لي إصبر وغصب عنـي  تصبرنـي
وكل ما قلت لك خلنا نريـح تسـرع الخطـوات
يا خلي قول يعني ليـش بهالقسـوة  تعاملنـي
اذا حبي وسط قلبك ذبـل فـي يـوم والا مـات
أو إنك خذت ما تبغي وبعد هـذا شبعـت منـي
تكلم قول لا تسكت وخلنـا نقلـب  الصفحـات
وكل واحد يروح بـدرب بـس لازم تصارحنـي
أنا مابيك تحس بذنـب أو تنـدم علـى مافـات
ولكنـي أبيـك تقـول إنتـه شفيـك  ريحنـي
أبسمع كل مافقلبك أبسمع لـو بعـض كلمـات
وأنا متوقع إنـك لـو حكيـت لابـد تصدمنـي
واذا إنته تهمك الوردة تعال إسقيها لو  قطـرات
وصدقنـي بتتفـتـح بتعجـبـك  وبتعجبـنـي
واذا إنها ما تهمك لا تعيشهـا وسـط  ظلمـات
بيديك إدفنها بالتربه عسى غيـرك لهـا يحنـي

๑۩ﺴ طارق المحياس  ﺴ۩๑

بعـد موتي تعال انثر على قبري ورود الموت

تعال اتذكر الماضي تعال ابكي على موتي

بعد موتي تعال اجمع رفاتي واحضن التابوت

واسقي بدمعة عيونك تراب القبر واسقيني

بعد موتي انا انسان لي ذكرى ولا لي صوت

اذا حبيت تذكرني .. تذكر لهفتي وصوتي

بعد موتي تعال إسأل غيابي ليش فات الفوت

وليش الوقت فرقنا وعجل في الزمن موتي ..؟؟

.. ؟؟ ..  

على ذاك الجدار اللي على حد البيوت الطين
وقفت وهاجس الذكرى نفض في قلبي غباره

وقفت أطلق مدى شوفي وأناظر مفرق الدربين
وأشوف الدار وعيوني تضم الدرب وجداره

أجل هذا الجدار اللي سهر يوم العرب غافين
أجل هذا الصديق اللي ذكرته وأذكر أسراره

أنا أذكر يوم يجمعنا يغطينا برمش العين
نسج ليله وسوى به على عشاقه ستاره

حجر لكن أحس أنه يحس بفرحة القلبين
أحس أنه نفس لكن غدى جامد من أقداره

حجر يوم العرب تنسى اذا مرت عليها سنين
حجر يوم العرب تنسى حبيب ٍمبعد ٍداره

ولكن الجدار اللي من تركته هذاك الحين
عرفني يوم قابلته وبلـل دمعي أحجاره

جلست وهاجت الذكرى وقلت بخاطري مسكين
ثمان سنين في وحشة ولا أحد بيننا زاره

وفـا ذاك المكان أثبت بأن الآدمي من طين
تخيل يوم لامسته تنهد من شقا ناره

سألني قال أنا أذكركم تجوني بالظلام اثنين

بكيت و قلت صدقني ..

رحل وانقطعت اخباره ؟؟

الشاعر .. عوض العنزي

 

يسئلوني علامك شلخبر وشفيك
وخبرهم بما فيني ويبقى بداخلي اكثر
اخبرهم بظاهرها وأنت بداخلي مخفيك
اسولف ينطق الساني طريتك قام يتعثر
حبيبي يعجز الساني احبك حيل أنا مغليك
أحسك نبض بعروقي من دونك أنا تبعثر
اناظر تبهر عيوني تعطي النور ما يعطيك
أشوف الكون بعيونك شنهو الكون أنت اكبر
اقول أني على شانك سهرت اليل افكر فيك
سهرته مخاصم افكاري وفكري لفكري يتنكر
احبك اش بعد باقي احبك اش بعد يرضيك
تعرف قدرك وشانك تراك الروح لا هي اصغر
تفجرت بداخلي لجلك من عروقي جيت برويك
يبست جفت عروقي دمي بداخلي تخثر
اراجع فكري من صوبك تنكر لي ومايعصيك
مايعصي حسنك الباهر الهي ابدع وصور
احلف أن العسل منك حلاتة من حلاوة فيك
ما غير أن العسل انواع وأنت الشهد مو اكثر
حبيبي اش بعد تامر نبض قلبي وبيرجيك
بيرجي ظلمك وعدلك بيرجي المر والسكر
تعطف اش بعد باقي لا هاذي ولا هي بذيك
تعطف ورحم اقليبي أو ابعد كانك .. بتقدر .. 

لكم اجمل تحيه

๑۩ﺴ  الســراب  ﺴ۩๑

..: ـالسلامـ ـعليكمـ ـو رحمة ـاللهـ ـوبركاتهـ :.. 

اخباركم >>من متى المعرفه  

المهم تبون اكيد .. هذا سبيسي جديد  واتمنى يعجبكم وانطر ارائكم

وانشالله بيتطور وبينظاف الجديد دوما ولاكن مهلا لاني توى مسويته

شجعوني عشان استمر وما امل >>هع هع

وعاد ماوصيكم بعد بسجل الزوار بصمو لما تشبعون خخ

تحيتيـ