ايه خنتك..
لاجل انا ارد اعتباري..!!
صح هنتك...
وماني محتاجة أداري
ولاترجى اعتذاري...!

واسمع اللي لك باقوله...
يا تفاهات الطفولة..
ماني بـ ذيك الخجولة..
وباجرحك ياجارحي

شفت وشلون الخيانة.. قاسية .. لحد الاهااانة
مير من باب الميانة.. قلت مثلك باطعنك..

وانت بحدود البكي..
لاتكثّر بالحكي..
ولاتظن انك ذكي...
وانت جرحي يسكنك!

تهمتك لي الخيانة... زيد معها ,,, سبق اصرار وترصد..
يعني النية في قلبي... نيةٍ مُبية
لاني اصلاً وبصراحة خنت (عمداً) لاجل اوريك اللي شفته..

ولا تظن اني جبانة...
جيت اواجه..
واسمع لهرجي رجاءاً..

خنتني يوم الوفا فيني كبير .,. يعني انت اللي بديت!
هنتني يوم العطا مني كثير .,. و دون ما ادري قسيت..

والفعل لابد له ردة فعل...
وانا منك انعميت...

قلت اسوي مثل فعلك ... ثم فعلت!
ليه ابفهم انفعلت..؟

آآه ياذا المجتمع..
الصداقة للرجل..
والخطايا للرجل..
والخيانة للرجل...!!

قابلينه في خطااااه.. مير حنا ...
مالنا غير الخجل..
والتغلي والوجل..

والله اعطانا قلوب.. تعشق بصدق وتذوب..
ولجل حب اللي نحب نسعى حتى للدجل...!!

آآآه ما اغباه قلبي.. يوم ظنيت الوفا.. والعاطفة .. والحب واحساس الدفا
ممكن انها تجتمع في هالزمان بقلب واحد!

ياخايني مع السلامة رح مع ذاك الطريق..
خنتك لانك تستحق الطعن وكفوف الغدر..
منت بكفو بنتٍ وفيه تملك الحب العميق
 طابت جروحي يوم شفتك..
 منصدم بي منقهر !!